PEGAT DURIAT
Geulis...
Naha salira meungpeun pangarti ku rasa iri
Poek hate dihade-hade
Agul rasa dipuja-puja
Hilap kana pasini wanci patali
Milah kanyaah sanes beberah
Pegat duriat lain ilapat
Nyinglar katresnan gantung harepan
Nyeri peurih jangji panglayar
Geulis...
Naha salira nyimbut diri ku rasa dengki
Ruhay ati na sanubari
Heab amarah sagurat manah
Megatkeun rasa tapak lalampah
Najan akang kedah wakca ka era
Ngeclakeun ciibun kaca waruga
Moal sungkan moal rek wirang
Wasuh bangbaluh nu jadi pakewuh
duh...Jungjunan...
Hapunten ... geulis...
Tidak ada komentar:
Posting Komentar