Gurat dadasar sukma...7

Gulindah Ati

Ditiir hiji-hiji naon nu jadi gulindah ati
teu kasungsi.. teu kaharti....
Najan diri pulang anting megat wanci

Disawang...
Nu katembong ukur kamelang
Diteang..
Nu ngalangkang ukur hariwang

Asa diganggayong kala
Dikeukeuweuk mangsa, dipelak sudra
Galih ati galindeng sangsi
Hate ka haling raga ka harung

Duh jungjunan....
Teu sanggem nyinglar teu kiat nyuway
Nyurucud ci ibun cahya teuteup
Kasuat hinis galur waruga